Showing 3500 results

Archival description
Tamil
Print preview View:

சாமுவேல் ஜேம்ஸ் வேலுப்பிள்ளை செல்வநாயகம் சேகரம் 

  • UTSC 014
  • Fonds
  • n.d., 1921, 1929-1930, 1933-1937, 1939-1940, 1944-1988

விளங்கியமையையும் இலங்கை தமிழரசுக் கட்சியின் நாளாந்த நடவடிக்கைகளையும் இச்சேகரம் பிரதிபலிக்கிறது.

இச்சேகரம் இலங்கையில் 1950 இலிருந்து 1970 வரையான காலப்பகுதியில் இடம்பெற்ற முக்கியமான அரசியல் நிகழ்வுகளை ஆவணப்படுத்துவதோடு இலங்கைத் தமிழர்கள் எதிர்கொண்ட போராட்டங்களுக்கு சாட்சியமாகவும் விளங்குகிறது.

இச்சேகரம் செல்வநாயகம் அவர்களின் குடும்பம், பின்புலம் தொடர்பான ஆவணங்களையும் அவரது துணைவியார் எமிலி கிரேஸ் செல்வநாயகம் சேகரித்த நினைவஞ்சலி ஆவணங்களையும் கொண்டுள்ளது. மூன்று பிரதான வரிசைகளாக ஒழுங்குபடுத்தப்பட்டுள்ள இச்சேகரம் 1933-1937, 1939-1940, 1944-1988 ஆகிய காலப்பகுதிகளுக்கான ஆவணங்களை உள்ளடக்கியுள்ளது. இவற்றுள் பெருளவிலான ஆவணங்கள் 1960, 1970 காலப்பகுதியைச் சேர்ந்தவை ஆகும்.

தனிப்பட்ட ஆவணங்கள் கடிதத் தொடர்பு, தனிப்பட்ட பொருட்கள், நிதி மற்றும் தேயிலைத் தோட்டத்துடன் தொடர்புடைய ஆவணங்கள், ஏனைய ஆவணங்களை உள்ளடக்கியுள்ளன. தொழில்சார் ஆவணங்கள் அலுவலகக் கோப்புகள், கட்சி ஆவணங்கள், கடிதத் தொடர்பு, ஏனைய ஆவணங்களை உள்ளடக்கியுள்ளன. நினைவஞ்சலி ஆவணங்கள் சுவரொட்டிகள், செய்தித்தாள் துணுக்குகள், நினைவஞ்சலிக் குறிப்பேடு ஆகியவற்றை உள்ளடக்கியுள்ளன. இச்சேகரம் பின்வருமாறு ஒழுங்கமைக்கப்பட்டுள்ளது:

  1. தனிப்பட்ட ஆவணங்கள்
    1.1. எஸ். ஜே. வி. செல்வநாயகம் தனிப்பட்ட கடிதத் தொடர்பு
    1.2. எஸ். ஜே. வி. மற்றும் எமிலி கிரேஸ் செல்வநாயகம் கடிதத் தொடர்பு
    1.3. எமிலி கிரேஸ் செல்வநாயகம் கடிதத் தொடர்பு
    1.4. தனிப்பட்ட பொருட்கள்/உடைமைகள்
    1.5. பல்வகை கடிதத் தொடர்பு
    1.6. பல்வகை குடும்ப ஆவணங்கள்
    1.7. நிதி ஆவணங்கள்
  2. தொழில்சார் ஆவணங்கள்
    2.1. தொழில்சார் கோப்புகள்
    2.2. தொழில்சார் கடிதத் தொடர்பு
    2.3. ஆவணங்கள்
    2.4. அச்சிடப்பட்ட ஆவணங்கள்
    2.5. சிலோன் நியூஸ்பேப்பர்ஸ் லிமிட்டட்/ சுதந்திரன்
    2.6. இலங்கை தமிழரசுக் கட்சி கோப்புகள்
  3. நினைவஞ்சலி ஆவணங்கள்

Chelvanayakam, Samuel James Velupillai

இந்தியாவின் இசை / எச். ஏ. பொப்லி [நூல்]

நூலட்டையின் உட்பகுதியில் செல்வநாயகத்தின் கையொப்பமும் 22 நவம்பர் 1921 என்ற கையெழுத்தும் காணப்படுகிறது.

தனிப்பட்ட பொருட்கள்

இவ்வரிசை எஸ். ஜே. வி. செல்வநாயகம் அவர்களுக்குச் சொந்தமான தனிப்பட்ட பொருட்களையும் எமிலி கிரேஸ் செல்வநாயகத்திற்குச் சொந்தமான பொருளொன்றினையும் கொண்டுள்ளது.

தனிப்பட்ட ஆவணங்கள்

இவ்வரிசை எஸ். ஜே. வி. செல்வநாயகம் அவர்களினதும் அவரது துணைவியாரான எமிலி கிரேஸ் செல்வநாயகம் அவர்களினதும் தனிப்பட்ட ஆவணங்களைக் கொண்டுள்ளது. மேலும், 16 அல்பிரட் ஹவுஸ் கார்டின்ஸில் வசித்த அல்லது பணிபுரிந்த ஏனைய நண்பர்கள் மற்றும் குடும்பத்தினரின் தனிப்பட்ட ஆவணங்களையும் கொண்டுள்ளது.

இவ்வரிசை ஏழு உபவரிசைகளை உள்ளடக்கியுள்ளது:

1.1 எஸ். ஜே. வி. செல்வநாயகம் தனிப்பட்ட கடிதத் தொடர்பு
1.2 எஸ். ஜே. வி. மற்றும் எமிலி கிரேஸ் செல்வநாயகம் கடிதத் தொடர்பு
1.3 எமிலி கிரேஸ் செல்வநாயகம் கடிதத் தொடர்ப
1.4 தனிப்பட்ட பொருட்கள்
1.5 பல்வகை கடிதத் தொடர்பு
1.6 பல்வகை குடும்ப ஆவணங்கள்
1.7 நிதி ஆவணங்கள்

பல்வகைக் கடிதத் தொடர்பு

இவ்வரிசை 16 அல்பிரட் ஹவுஸ் கார்டின்ஸ் இனை வதிவிடமாகக் கொண்ட செல்வநாயகம் குடும்பத்தைச் சேர்ந்த ஏனையோருக்குச் சொந்தமான கடிதத் தொடர்பைக் கொண்டுள்ளது. மேலும், இலங்கைத் தமிழரசுக் கட்சியின் அலுவலகம் செல்வநாயகம் அவர்களின் வீட்டில் இயங்கியபோது அங்கு பணிபுரிந்த சிலரின் தனிப்பட்ட பொருட்கள் சிலவற்றையும் கொண்டுள்ளது.

? பொன்னுத்துரை, ஏர்னஸ்ட் வேலுப்பிள்ளை கடிதம்

இக்கோப்பு திருமணக்கோரிக்கை ஒன்று தொடர்பில் பேபி என்ற கையெழுத்துடனான பெண்ணொருவர் பொன்னுத்துரைக்கு (செல்வநாயகம் அவர்களின் சகோதரர்) எழுதிய கடிதமொன்றைக் கொண்டுள்ளது.

எஸ். ஜே. வி. செல்வநாயகம் தனிப்பட்ட கடிதத் தொடர்பு

Subseries contains Chelvanayakam’s correspondence that is personal in nature, including correspondence with family. Letters are mostly addressed to Chelvanayakam but letters from Chelvanayakam exist where he made copies. Letters are arranged alphabetically (in English) by the correspondent’s name. 

பல்வகை குடும்ப ஆவணங்கள்

இவ்வரிசை குறிப்புகள், இறை சேவை சிறுவெளியீடுகள், நிலப் பங்கு ஆவணங்கள் போன்ற பல்வகை குடும்ப ஆவணங்களைக் கொண்டுள்ளது.

தொழில்சார் ஆவணங்கள்

இவ்வரிசை இலங்கை தமிழரசுக் கட்சியின் நாளாந்த நடவடிக்கைகளையும் இலங்கையில் 1950 இலிருந்து 1970 வரையான காலப்பகுதியின் தமிழர் வாழ்வியலையும் போராட்டங்களையும் பிரதிபலிக்கிறது. தேர்தல் தொடர்பான ஆவணங்கள், பாராளுமன்ற உறுப்பினர்களுக்கும் பொதுமக்களுக்குமிடையிலான கடிதத் தொடர்பு, அரசியல் கோரிக்கைகள் மற்றும் பிரச்சினைகள் தொடர்பான கடிதத் தொடர்பு, ஏனைய நிர்வாக ஆவணங்கள் போன்றவற்றை உள்ளடக்கியுள்ளது.

1961 இல் செல்வநாயகம் ஸ்கொட்லாந்தின் எடின்பர்க் நகரிலுள்ள ஒரு மருத்துவமனையில் பார்க்கின்சனின் நோய்க்கான சத்திரசிகிச்சையை முடித்துவிட்டு தங்கியிருந்தார். இக்காலப்பகுதியில் செல்வநாயகம் தனிப்பட்ட மற்றும் தொழில்சார் கடிதங்கள் பலவற்றினை எழுதியுள்ளார். இக்கடிதங்களை அனுப்பியவரின் பெயரின் கீழ் தனிப்பட்ட மற்றும் தொழில்சார் கோப்புகளுள் காணலாம்.

இவ்வரிசை ஆறு (6) உபவரிசைகளை உள்ளடக்கியுள்ளது:
2.1 தொழில்சார் கோப்புகள்
2.2 தொழில்சார் கடிதத் தொடர்பு
2.3 ஆவணங்கள்
2.4 அச்சிடப்பட்ட ஆவணங்கள்
2.5 சிலோன் நியூஸ்பேப்பர்ஸ் லிமிட்டட்/ சுதந்திரன்
2.6 இலங்கை தமிழரசுக் கட்சி கோப்புகள்

தொழில்சார் கடிதத் தொடர்பு

இவ் உபவரிசை பின்வரும் ஒழுங்குமுறைமையைக் கொண்ட கடிதத் தொடர்பைக் கொண்டுள்ளது: ஆரம்பகால தொழில்சார் கடிதத் தொடர்பு (பிரதானமாக 1940 பிற்பகுதி மற்றும் 1950 களைச் சேர்ந்தவை); செல்வநாயகம் அவர்களுடனான கடிதத் தொடர்பு, செல்வநாயகம் தவிர்ந்த ஏனையோரால் எழுதப்பட்ட/பெற்றுக் கொள்ளப்பட்ட பல்வகைக் கடிதத் தொடர்பு.

ஆரம்பகால தொழில்சார் கடிதத் தொடர்பு (1940-1950 காலப்பகுதி) காலவரிசைப்படி ஒழுங்குபடுத்தப்பட்டுள்ளது. கட்சி உறுப்பினர்கள் பலர் இக்காலப்பகுதியில் வீட்டுக் காவலில் தடுத்து வைக்கப்படிருந்தமையால் எழுத்துமூலமான கடிதத் தொடர்பு அதிகரித்திருந்தது. இக்காலப்பகுதியினைச் சேர்ந்த ஆவணங்கள் அரிதாகவே காணப்படுகின்றன. ஏனைய கடிதத் தொடர்புகள் அனைத்தும் ஆங்கில அகரவரிசைப்படி ஒழுங்குபடுத்தப்பட்டுள்ளன.

தொழில்சார் கடிதத் தொடர்பு பல்வகை ஆவணங்களைக் கொண்ட பெட்டிகளிலிருந்து ஆவணக்காப்பாளரால் அடையாளம் காணப்பட்டு கடிதம் அனுப்பியவர் பெயரின் ஆங்கில அகரவரிசைப்படி ஒழுங்குபடுத்தப்பட்டுள்ளன. இக்கடிதத் தொடர்பு தொழில்சார் கோப்புகளிலிருந்து தனித்து கண்டெடுக்கப்பட்டது எனினும் தலைப்பு/ விடயப்பொருள் அடிப்படையில் மேற்பொருந்தலாம்.

[தொழில்சார் கடிதத் தொடர்பு]

இக்கோப்பு ஆர். மகாதேவா, ரி. டபிள்யூ. ஸ்ரான்ட்வெல், சி. எம். சின்னையா ஆகியோரால் செல்வநாயகத்திற்கு எழுதப்பட்ட கடிதங்களையும் அடையாளம் காணப்படாத கையெழுத்துடனான கடிதமொன்றையும் செல்வநாயகத்தால் ஏ. எம். குமாரசாமிக்கு எழுதப்பட்ட வரைவுக் கடிதமொன்றையும் கொண்டுள்ளது.

பார் தம்பையா, ஜே. - எஸ். ஜே. வி. செல்வநாயகம் கடிதம்

பேணுகை நோக்குடன் ஒரு கடிதமும் இன்னொரு கடிதத்தின் துண்டும் ஒளிநகல் எடுக்கப்பட்டுள்ளன.

எமிலி கிரேஸ் செல்வநாயகம் கடிதத் தொடர்பு

இவ்வரிசை எமிலி கிரேஸ் செல்வநாயகம் அவர்களை விளித்து எழுதப்பட்ட தனிப்பட்ட கடிதத் தொடர்பினைக் கொண்டுள்ளது. கடிதங்கள் எழுதியவர் பெயரினை அடிப்படையாகக் கொண்டு ஆங்கில அகரவரிசைப்படி ஒழுங்குபடுத்தப்பட்டுள்ளன.

மேலும், ஏப்ரல் 1977 இல் செல்வநாயகம் அவர்களின் மறைவைத் தொடர்ந்து எமிலி கிரேஸ் செல்வநாயகம் அவர்களுக்கு அனுப்பப்பட்ட பல இரங்கற் கடிதங்களையும் தந்திகளையும் இவ்வரிசை கொண்டுள்ளது. குடும்பத்தினரின் தனிப்பட்ட இரங்கற் கடிதங்கள் தனிப்பட்ட ஒரு கோப்பில் காலவரிசைப்படி ஒழுங்குபடுத்தப்பட்டுள்ளன. இரங்கற் கடிதங்களும் தந்திகளும் அவை பெற்றுக்கொள்ளப்பட்ட திகதிவாரியான மூல ஒழுங்கின்படி ஆவணப்படுத்தப்பட்டுள்ளன.

தேவதாசன், அருட்திரு. எஸ். எம். - எஸ். ஜே. வி. செல்வநாயகம் கடிதம்

கடிதத்தின் முதற்பக்கம் மட்டுமே உள்ளது. ஏனைய பக்கங்கள் கண்டுபிடிக்கப்படவில்லை.

சிலோன் நியூஸ்பேப்பர்ஸ் லிமிட்டட்/ சுதந்திரன்

சிலோன் நியூஸ்பேப்பர்ஸ் லிமிட்டட் ஒரு நிறுவனமாக 1946 ஆம் ஆண்டு பதிவுசெய்யப்பட்டது. இதில் செல்வநாயகம் இயக்குநர்களுள் ஒருவராகப் பதிவு செய்யப்பட்டுள்ளார். 1947 இலிருந்து 1983 வரையான காலப்பகுதியில் இந்நிறுவனம் சுதந்திரன் என்னும் தமிழ் செய்தித்தாளை வெளியிட்டது. 2 ஜூன் இலிருந்து 20 அக்டோபர் வரை அவசரகால சட்டத்தின் கீழ் இச்செய்த்தித்தாள் வெளியீடு அரசாங்கத்தால் நிறுத்தி வைக்கப்படிருந்தது.

இவ்வரிசை கணக்கு அறிக்கைகள், குறிப்பாணைகள், அறிக்கைகள், செய்தித்தாள் தொடர்பான கடிதத் தொடர்பு ஆகியவற்றைக் கொண்டுள்ளது.

தமிழ்ப் பத்திரிகை நிதி பற்றுச்சீட்டுக்களும் கட்டணக் கணக்கும்

இக்கோப்பு சந்தாதாரர் மற்றும் கட்டணத் தொகை போன்ற விபரங்களை உள்ளடக்கிய 10 பக்கங்களுடனான கணக்கு அறிக்கையினைக் கொண்டுள்ளது.

தமிழ்ப் பத்திரிகை நிதி சந்தாதாரர் பட்டியல்

168 சந்தாதாரர்கள், அவர்களின் வதிவிடம், செலுத்திய தொகை ஆகிய விபரங்களை உள்ளடக்கிய 5 பக்கங்களுடனான பட்டியலைக் கொண்டுள்ளது. திகதி குறிப்பிடப்படவில்லை.

பார் குமாரகுலசிங்க, (முத்தையா), இராசம்மா [?] மருமகளுக்கு எழுதிய கடிதம்

மருமகளுக்கு (எமிலி கிரேஸ் செல்வநாயகம்?) எழுதப்பட்ட கடிதம்.

இராஜேந்திரா, எம். & எஸ். ஜே. வி. செல்வநாயகம்

இக்கோப்பு எம். இராஜேந்திராவுக்கும் செல்வநாயகம் அவர்களுக்குமிடையிலான கடிதத் தொடர்பைக் கொண்டுள்ளது. இக்கோப்பிலுள்ள மூன்று கடிதங்களுள் ஒரு கடிதம் பேணுகை நோக்குடன் ஒளிநகல் பிரதி எடுக்கப்பட்டுள்ளது.

[வாகன ஓட்டுனர் உரிமம் - எஸ். ஜே. வி. செல்வநாயகம்]

வாகன ஓட்டுனர் உரிமத்திலிருந்து எடுக்கப்பட்டுள்ள ஒரு பகுதி - எஸ். ஜே. வி. செல்வநாயகத்தின் கறுப்பு வெள்ளை ஒளிப்படமொன்று ஒட்டப்பட்டுள்ளது.

தமிழ்ப் பத்திரிகை நிதி செயற்குறிப்புகள்

இக்கோப்பு நன்கொடைக் குறிப்புகள், ஜி. ஜி. பொன்னம்பலம் நன்கொடைகள் தொடர்பாக நிர்வாகிகளுக்கு எழுதிய குறிப்பு, அச்சகம் மூடுகை தொடர்பாக 1958இல் எழுதப்பட்ட கடிதம் ஆகியவற்றைக் கொண்டுள்ளது.

வசீகரன், செ. : குறிப்புகள் & பல்வகை ஆவணங்கள்

இக்கோப்பு றோயல் கல்லூரியின் 1949 ஆம் ஆண்டு வருடாந்தப் பரிசளிப்பு விழாவின் நிகழ்ச்சி நிரல், அடையாளம் காண இயலாத கடிதமொன்றின் நான்காவது பக்கம், திருமணம்சார் வழக்கொன்றின் குறிப்புகள், கணிதக் குறிப்புகள் ஆகிய ஆவணங்களைக் கொண்டுள்ளது.

எஸ். ஜே. வி. செல்வநாயகம் - [?] கடிதம்

இக்கோப்பு "என் அன்புக்கினிய" என்னும் விளிப்புடனான ஒருவரை சந்தித்து உரையாடக் கோரி எழுதப்பட்ட பெயர்/அடையாளம் காண இயலாத கடிதமொன்றின் தட்டச்சுப் பிரதியினைக் கொண்டுள்ளது.

மனோகரன், ஏ. செல்வநாயகம் - எஸ். ஜே. வி. செல்வநாயகம் கடிதம்

செல்வநாயகம் - மனோகரனுக்கிடையிலான கடிதங்களைக் கொண்டுள்ளது.

[எம். காத்தமுத்து தந்தி]

இக்கோப்பு மொரக்கொட்டாஞ்சேனை ஊர்மக்கள் மீதான காவல்துறை மற்றும் இராணுவத்தினரின் முறைகேடான நடத்துகை, வீடுகள் மற்றும் கடைகளுக்கு தீவைப்பு தொடர்பாக எம். காத்தமுத்துவால் எழுதப்பட்ட தந்தியைக் கொண்டுள்ளது.

நிதி ஆவணங்கள்

இவ்வரிசை விலைப்பட்டியல்கள், அறிக்கைகள் போன்ற நிதிசார் ஆவணங்களையும் கணக்குகள் தேயிலைத் தோட்டங்கள் தொடர்பான கடிதத் தொடர்புகளையும் கொண்டுள்ளது.

Results 1 to 50 of 3500