அச்சு முன்காட்சி மூடுக

Showing 137167 results

Archival description
அச்சு முன்காட்சி View:

மனுவேல்பிள்ளை, அன்ரன் - எஸ். ஜே. வி. செல்வநாயகம் கடிதம்

இக்கோப்பு அன்ரன் மனுவேல்பிள்ளை அவர்களால் செல்வநாயகம் அவர்களுக்கு எழுதப்பட்ட கடிதமொன்றைக் கொண்டுள்ளது. இது இரு பிரதான விடயங்களை உள்ளடக்கியுள்ளது: (1) காங்கேசன்துறையிலிருந்து பலாலியூடாக யாழ்ப்பாணத்துக்குச் செல்லும் 764 இலக்கப் பேருந்து செல்வழியில் பலாலி விமானநிலையத்திற்கான ஒரு பேருந்துத் தரிப்பை உருவாக்கக் கோரியும், (2) எயார் சிலோன் விமானம் ஆங்கில, சிங்கள எழுத்துக்களை மட்டுமே கொண்டிருப்பதால் [அதில் தமிழையும் சேர்க்கக் கோரி] செல்வநாயகம் அவர்களுக்கு எழுதப்பட்டுள்ளது.

மீன்வளத்துறை அமைச்சு - எஸ். ஜே. வி. செல்வநாயகம் கடிதம் [?]

இக்கோப்பு கப்பல்/படகு வெளிநிலை விசைப்பொறிகளை மீனவர்களிடம் விநியோகிப்பது தொடர்பாக மீன்வள உதவி அமைச்சரான எஸ். டி. ஆர். ஜயரட்ன அவர்களால் செல்வநாயகம் அவர்களுக்கு எழுதப்பட்ட கடிதமொன்றைக் கொண்டுள்ளது. மேலும், காங்கேசன்துறையைச் சேர்ந்த விண்ணப்பதாரிகளின் (மீனவர்கள்) தட்டச்சிடப்பட்ட பட்டியலொன்றும் கடிதத்துடன் இணைக்கப்பட்டுள்ளது.

சின்னத்துரை, எஸ். - எஸ். ஜே. வி. செல்வநாயகம் கடிதம்

இக்கோப்பு செல்வநாயகம் அவர்களின் சத்திரசிகிச்சை மற்றும் நலமடைவு, பாராளுமன்ற உறுப்பினர்களின் தடுப்புக்காவல், அவர்களின் விடுதலை தொடர்பாக எஸ். சின்னத்துரை அவர்களால் செல்வநாயகம் அவர்களுக்கு எழுதப்பட்ட கடிதமொன்றைக் கொண்டுள்ளது.

கட்டுரைகள், அன்பளிப்புகள் போன்றன தொடர்பாக எஸ். ஜே. வி. செல்வநாயகத்திற்கு அனுப்பப்பட்ட கடிதங்கள்

இக்கோப்பு செல்வநாயகம் அவர்களிடம் விழாமலர் வெளியீடுகள், செய்தித்தாட்களுக்கு கட்டுரைகள் எழுதித்தரக் கோரியும் கிறிஸ்துமஸ், விளையாட்டு விழா போன்ற நிகழ்வுகளுக்கு நன்கொடைகள் கோரியும் எழுதப்பட்ட 11 கடிதங்களைக் கொண்டுள்ளது. மேலும், கடிதங்களின் பின்புறத்தில் செல்வநாயகம் அவர்களின் உதவியாளரால் எழுதப்பட்டிருக்கலாம் எனக் கருதக்கூடிய கையால் எழுதப்பட்ட குறிப்புகளையும் கொண்டுள்ளது.

தொழில், வீட்டு வசதி, நிதி உதவி தொடர்பாக எஸ். ஜே. வி. செல்வநாயகத்திற்கு அனுப்பப்பட்ட கடிதங்கள்

இக்கோப்பு தொழில், குடியிருப்பு வசதி, நிதி உதவி போன்ற விடயங்கள் தொடர்பாக என். இராமசாமி, டி. தவபாக்கியம், எஸ். பகவான், ரி. கனகசபை, ஏ. இராதாகிருஷ்ணன் ஆகியோரால் செல்வநாயகம் அவர்களுக்கு எழுதப்பட்ட ஏழு கடிதங்களைக் கொண்டுள்ளது.

எஸ். ஜே. வி. செல்வநாயகம் - திருமதி. ஏ. சுந்தரம்பிள்ளை கடிதம்

செல்வநாயகம் அவர்களால் எழுதப்பட்ட வரைவுக் கடிதம்.

கண்ணகி நூலகம் - சுகாதார அமைச்சர் கடிதம்

இக்கோப்பு வல்வெட்டித்துறைக்கும் ஊர்காவற்றுறைக்கும் இடையிலான கரையோரப் பிரதேசங்களைச் சேர்ந்த மீனவ சமூகங்களுக்கு அருகாமையில் மருத்துவமனை ஒன்று அமைப்பதன் தேவை தொடர்பாக கண்ணகி நூலகத்தினரால் சுகாதார அமைச்சருக்கு எழுதப்பட்ட கடிதமொன்றைக் கொண்டுள்ளது. இக்கடிதம் மீனவர்கள் சுகாதார சேவைகள் அணுக்கத்தில் எதிர்கொள்ளும் இன்னல்களை விவரித்து, அவற்றை நிவர்த்தி செய்வதற்கு இதய மற்றும் பொது நோய்ப் பிரிவுகளை இணைப்பதற்கான பரிந்துரைகளையும் விவரிக்கிறது. மேலும், இக்கடிதம் மயிலிட்டி கிராமம், மீனவர்கள், அவர்களது வாழ்வியல், அவர்களது வசிப்பிடத்திற்கும் தொழில் புரியும் பிரதேசங்களுக்கும் அருகாமையில் மருத்துவமனை ஒன்றிருப்பதன் முக்கியத்துவம் போன்ற விடயங்கள் தொடர்பான விரிவான குறிப்புக்களைக் கொண்டுள்ளது.

[அரசாங்க மின்சாரத் திணைக்களம்]

இக்கோப்பு அஞ்சல் உறையொன்றினையும் அரச மின்சாரத் திணைக்கள ஊழியர்களின் [?] பெயர்கள், ஊதிய விபரங்களைக் கொண்ட பட்டியலொன்றினையும் (8 பக்கங்கள்) கொண்டுள்ளது.

இலங்கை தொழிலாளர் கழகம்

இக்கோப்பு இலங்கை தொழிலாளர் காங்கிரஸின் ஹட்டன் அலுவலகம், இராகலை மாவட்டத் தலைவர்கள், கூட்டங்கள், தீர்மானங்கள் தொடர்பாக இலங்கை தொழிலாளர் காங்கிரஸால் செல்வநாயகம் அவர்களுக்கு எழுதப்பட்ட 4 கடிதங்களைக் கொண்டுள்ளது. மேலும், யட்டியந்தோட்டை தேர்தல் தொகுதியிலுள்ள வெற்றிலையூர் அஞ்சல் அலுவலகத்தின் பெயரை புளத்கொஹுபிட்டிய அஞ்சல் அலுவலகம் எனப் பெயர் மாற்றியது தொடர்பாக இலங்கை தொழிலாளர் காங்கிரஸால் பிரதமருக்கு எழுதப்பட்ட கடிதமொன்றையும் அச்சிடப்பட்ட பரப்புரை அறிக்கைகளையும் கொண்டுள்ளது.

இலங்கை வங்கி - எம். ஏ. எம். ஷாபி மற்றும் எச். எச். ஓ. பட்சா

இக்கோப்பு கொழும்பு மாவட்ட நீதிமன்றத்தில் நடைபெற்ற இலங்கை வங்கி எதிர் எம். ஏ. எம். ஷாபி எதிர் எச். எச். ஓ. பட்சா வழக்கு தொடர்பான வாக்குமூல, விவரக் கூற்றினைக் கொண்டுள்ளது.

வெலிக்கடை தமிழ்க் கைதிகளும் உண்ணாவிரதப் போராட்டமும்

இக்கோப்பு 1976ஆம் ஆண்டு ஆகஸ்ட் மாதம் கொழும்பில் இடம்பெறவுள்ள அணிசேரா நாடுகளின் மாநாட்டின் போது வெலிக்கடைச் சிறையுள் ஒரு பெரும் உண்ணாவிரதப் போராட்டத்தை திட்டமிடுவது தொடர்பாக மாவை சேனாதிராஜா மற்றும் காசி ஆனந்தன் அவர்களால் செல்வநாயகம் அவர்களுக்கு எழுதப்பட்ட இரு கடிதங்களைக் கொண்டுள்ளது. மேலும், வெலிக்கடைத் தமிழ்க் கைதிகள் தொடர்பாகவும் அவர்களின் உண்ணாவிரதப் போராட்டம் தொடர்பான சுருக்க ஊடக வெளியீட்டு வரைவு [?] ஒன்றினையும் கொண்டுள்ளது.

சிலோன் நியூஸ்பேப்பர்ஸ் லிமிட்டட்/ சுதந்திரன்

சிலோன் நியூஸ்பேப்பர்ஸ் லிமிட்டட் ஒரு நிறுவனமாக 1946 ஆம் ஆண்டு பதிவுசெய்யப்பட்டது. இதில் செல்வநாயகம் இயக்குநர்களுள் ஒருவராகப் பதிவு செய்யப்பட்டுள்ளார். 1947 இலிருந்து 1983 வரையான காலப்பகுதியில் இந்நிறுவனம் சுதந்திரன் என்னும் தமிழ் செய்தித்தாளை வெளியிட்டது. 2 ஜூன் இலிருந்து 20 அக்டோபர் வரை அவசரகால சட்டத்தின் கீழ் இச்செய்த்தித்தாள் வெளியீடு அரசாங்கத்தால் நிறுத்தி வைக்கப்படிருந்தது.

இவ்வரிசை கணக்கு அறிக்கைகள், குறிப்பாணைகள், அறிக்கைகள், செய்தித்தாள் தொடர்பான கடிதத் தொடர்பு ஆகியவற்றைக் கொண்டுள்ளது.

முடிவுகள் 1 இலிருந்து 50 இன் 137167 வரை